“ Nahmaduhu Robbal Rohim, wa Nusholi wa
nusalimu ala Rosulihil Karim, wa ala alihi wa ashabihi ajma’in. Asyhadu allaa
ilaaha Illalloh, wa asyhadu anna Muhammadan abduhu wa Rosuluh".
Sugrining
Puji disanggakeun ka Gusti nu Maha Murah tur Asih, Solawat miwah salam mugia
dumugi ka panutan alam, Muhammad Nabi pinilih pamungkas para Anbiya.
Jangji nu jadi
pamatri ati, dadasarna kaihlasan, teu aya deui nu wajib di sembah di ibadahan
anging Alloh anu Ahad.
Muhammad
utusan Alloh, jadi Uswatun Hasanah, nungtun nuyun ka ummatna, malar hirup
salamet dunya akherat.
Para Saderek
anu sami-sami hadir dina ieu riungan, langkung ti payun sim kuring neda ampun
nya paralun, wireh kumawantun ngadeg di payuneun sadayana, taya sanes kaperih
pati kedah janten corong ti atas nami pun lanceuk Kang Sobirin, utamina Teh Ai
Yulianti anu bade ngalaksanakeun ibadah Hajina.
Dina
nembrakeun kereteg manah nu aya patalina sareng anjeuna kengeng kapercantenan
ti Alloh Subhaanahu wa ta’ala geusan nungtaskeun Rukun Islam nu ka lima nyata
ngalaksanakeun ibadah Haji ka Tanah Suci Mekkah.
Rupina
sateuacan anjeuna umangkat ka Baetulloh, ngarumaoskeun sabage manusa biasa,
hirup kumbuh sakulah sakolih sareng dulur oge kadang warga, nu tangtos pinuh ku
kahilapan sareng kalepatan.
Kukituna Pun
Lanceuk, Teh Ai, seja tamada ka sadayana, namprakkeun karumaosan, boh bilih bae
salami campur gaul teh seueur saur nu teu kaukur, aya lampah nu teu merenah
matak nyigeung manah sadayana, mugia rido ati rido galih kangge ngamparkeun
lautan sihapunten.
Luyu sakumaha
nu kaunggel dina Al-Qur’an surat Al-Hajj ayat ka 29 ;
Anu
pihartoseuna kirang langkung “ tidinya maranehna kudu ngaleungitkeun
kokotor-kokotor anu ngancik dina bandanna, sarta maranehna kudu nyumponan
nadarna, terus kudu ngalkonan thowaf sakurilingeun ieu Baetulloh”.
Janten pun
lanceuk seja angkat ngalaksanakeun ibadah Haji teh, miharep hoyong beresih
sarta suci kalayan ibadah Hajina Mabrur oge Makbul sapaneja, bari aya dina kasalametan,
kasehatan, kalancaran diperjalanan dugi katiasa mulih deui ka dieu kempel
sareng kulawargana.
Atuh anu
dikantun didieu, anjeuna meredih ka nu Maha Suci, mugia ngaraksa ngariksa miwah
ngaping ngajaring kasadayana.
Kitu maksad
pun Lanceuk Kang Sobirin sareng kulawargina, utami teh Ai ku anjeun ngayakeun
ieu pangaosan.
Atuh ti sim
kuring, seja sanduk-sanduk nya lumaku, bilih dina ngadugikeuna aya saur nu
tanpa bukur, aya kalimah nu tugenah kana manah, oge aya basa nu teu rumasa kana
rasa.
Tutus lankung
kepang halang, bobo sapanon carang sapakan, pamugi sadayana rido manah
ngamparkeun hapuntena.
Robbana
Hablana min ajwajina wadurriayyatina kurrota a’yun waj’alna lil muttaqien
imaaman. Labbaikalloohumma Hajjan Mabruron.
Robbana
aatinaa fiddunya hasanah, wafil aahiroti hasanah wakinaa adzaabannar..
Wassalamu’alaikum
waroh matullohi wabarokaatuh.
September 2012
Rudi Linuhung
